By : Dylan
Pawarta 1 :
Suharjono HK Spd,
Unggul ing pilkades Trimulyo
Suharjono HK, Spd (55 taun) warga dhusun
Trimulyo, Sleman, kasil unggul ing pilian Kepala desa (Pilkades) Trimulyo
kecamatan Sleman, Minggu (22-2-2009) kepungkur. Suharjono (nomor urut 2) kasil ngumpulake
2.366 suwara ngungguli calon lurah liyane yaiku Bambang Basuki Ilyas kang
mantan lurah Trimulyo (nomor urut 1) saka dhusun Kepitu antuk 1.393 suwara, lan
Untung (nomor urut 3) uga saka dhusun Kepitu antuk 1.865 suwara.
Katrangan saka panitia Pilkades mratelakake, gunggunge pemilih ing Trimulyo
wong 6.979, dene kang ngelonipilihan wong 5.713. Saka gunggung kasebut, suwara
kang gugur ana 501 suwara. Dene kang ora teka coblosan ana 1.266 warga.
Pilkades diadani ing 18 pedhukuhan iya 18 TPS (Tempat Pemungutan Suwara)
Suharjono HK, kepilih minangka lurah Trimulyo kanggo periode taun 2009-2015 (6
taun), bakal ngganteni Bambang Basuki Ilyas. Suharjono kang uga karyawan Dinas
Pendidikan Kabupaten Sleman sawise kepilih lurah ngandharake bakal ngajokake
pensiun. Suharjono kang ing desane dikenal minangka ketua BPD Trimulyo
mratelakake, yen menange ing Pilkades mujudake kemenangane masyarakat
Trimulyo.” Insya Allah, aku bakal nuhoni amanah warga Trimulyo kanggo ngabdi
minangka lurah desa,” pratelake.
Sauntara kuwi, ing wektu kang bebarengan pilkades ing wilayah sleman uga
digelar ing desa Tridadi. Lurah lawas Kabul Mudji Basuki warga dhusun Beran
Kidul kasil menangake pilihan kanthi antuk 4.534 suwara, ngasorake H Mulyatno,
BSc warga dhusun Pangukan kang antuk 3.408 suwara. Pilkades Tridadi diadani ing
20 TPS kang ana ing saben padhusunan ing Tridadi.
Pawarta 2 :
Dalan Rusak, Ora
Ono sing Ndandani
Dalan kabupaten saka
wilayah kecamatan Sreseh tumeko kutha Sampang rusak lan podho growok, kendaraan
roda 2 utawa roda 4 sing arep liwat ing dalan iku kudu ati-ati lan waspodo.
Sampek saiki dalan iku durung di dandani karo pemerintah daerah Sampang.
Saiful (25 taun)
warga sing sering liwat dalan iku ngeluhkake bab dalan sing rusak iku,” sampek
saiki isih rusak padahal dalan iku wes suwe rusak nanging durung di dandani”.
Ucape Saiful wektu di temoni radar Jawa Pos kala wingi.
Akibat dalan sing
rusak iku mau, ndadekno akeh wong sing nganggo kendaraan roda 2 utawa roda 4
ngalami kecelakaan ana ing dalan iku.
Pawarta 3 :
KACILAKAN MONTOR MABUR ING MAGETAN
Durung suwe iki pancen wis tau
dikabarake yen akeh montor mabur sing padha nemahi kacilakan ing mancanegara
utawa ing Indonesia. Durung ana rong sasi kabar mau, lha kok kasusul maneh
kedadeyan montor mabur tiba durung suwe iki, pase ing desa Geplak, Kecamatan
Karas, Magetan, Jawa Timur rikala dina Rebo esuk kira-kira jam
setengah pitu ing tanggal 20 Mei 2009, nalika bangsa Indonesia mengeti Hari
Kebangkitan Nasional. Montor mabur kang tiba lan kobong mau duweke TNI AU jinis
Hercules C-130 nomere A-1325. Miturut pawarta saka layang kabar lan tivi,
montor mabur kasebut budhal saka pangkalan Lapangan Udara Halim Perdanakusuma
Jakarta lan arep tumuju dhaerah Biak, Papua. Nanging durung nganti tekan papan
kang tumuju, lan nalika arep mampir ing Lapangan Udara Iswahyudi Madiun montor
mabur kasebut nemahi kacilakan.
Malah ing kedadeyan iki, luwih saka wong satus nemahi tiwas klebu warga desa sing omahe melu kenteban montor mabur kasebut. Saliyane iku, ana wong 15 kang uga melu nandhang tatu abot lan entheng. Dene omah-omah ing desa kasebut sing kenteban lan ndadekake remuk lan kobonge udakara patang omah. Ana sing ajur mumur lan ana sing payone remuk tanpa sisa. Kanthi anane kacilakan montor mabur duweke TNI AU kasebut mesthi wae ndadekake warga ing sacedhake pangkalan mau dadi padha jinja. Ing atase ora ngerti apa-apa, ngerti-ngerti ketiban sial.
Sing cetha kacilakan Hercules C-130 duweke TNI AU mau nambahi tansaya akeh dhaftar kacilakan montor mabur duweke TNI AU. Pancen akeh sing kandha yen sejatine montor mabur-montor mabur duweke negara mau akeh sing wis padha tuwa lan kudu diganti. Nanging gandheng kanthi alesan anggaran ora nyukupi, kepeksa montor mabur tuwa isih tetep digunakake kanggo ngangkut wong lan barang-barang liyane. Apa ya pancen kacilakan mau bener-bener amarga saka umure montor mabur sing wis tuwa utawa saka sebab liyane? Ditunggu wae asil saka katrangane pamarintah bab sebab-musababe kacilakan montor mabur kasebut.
Malah ing kedadeyan iki, luwih saka wong satus nemahi tiwas klebu warga desa sing omahe melu kenteban montor mabur kasebut. Saliyane iku, ana wong 15 kang uga melu nandhang tatu abot lan entheng. Dene omah-omah ing desa kasebut sing kenteban lan ndadekake remuk lan kobonge udakara patang omah. Ana sing ajur mumur lan ana sing payone remuk tanpa sisa. Kanthi anane kacilakan montor mabur duweke TNI AU kasebut mesthi wae ndadekake warga ing sacedhake pangkalan mau dadi padha jinja. Ing atase ora ngerti apa-apa, ngerti-ngerti ketiban sial.
Sing cetha kacilakan Hercules C-130 duweke TNI AU mau nambahi tansaya akeh dhaftar kacilakan montor mabur duweke TNI AU. Pancen akeh sing kandha yen sejatine montor mabur-montor mabur duweke negara mau akeh sing wis padha tuwa lan kudu diganti. Nanging gandheng kanthi alesan anggaran ora nyukupi, kepeksa montor mabur tuwa isih tetep digunakake kanggo ngangkut wong lan barang-barang liyane. Apa ya pancen kacilakan mau bener-bener amarga saka umure montor mabur sing wis tuwa utawa saka sebab liyane? Ditunggu wae asil saka katrangane pamarintah bab sebab-musababe kacilakan montor mabur kasebut.
Pawarta 4:
KRUPUK ABANG PUTIH
Bantul, www.jogjatv.tv – Ing taun 70-an, krupuk
pohung, ingkang namanipun krupuk abang putih, mujudaken nyamikan
ingkang mirunggan. Sinaosa bahan bakunipun glepung tapioka lan cara ngocalipun
prsaja, ananging krupuk punika, sakelangkung miraos, boten kawon kaliyan krupuk
damelan pabrik. Ananging awit pangrembakaning jaman, krupuk punika
tansaya kadhesuk, satemah cacahing perajin kantun sekedhik.
Padhukuhan Klisat Srihardono Pundong
Bantul, wiwit jaman kamardikan kawentar minangka teleng produksi krupuk
abang putih. Warga ing desa kasebat, rikala samanten racak makarya
minangka perajin krupuk pohung punika. Nanging samangke cacahing perajin
krupuk abang putih, kantun sekedhik. Mratahipun krupuk damelan pabrik
njalari krupuk abang putih, kirang dipun pikajengi masyarakat.
Sabar, satunggaling perajin krupuk abang
putih, mratelakaken, saben dinten ngocal 50 ngantos 70 kg glepung tapioka,
kangge damel krupuk, suda kathah tinimbang 15 taun kapengker. Rikala
semanten Sabar damel krupuk ngantos sa-ton saben dinten, dipun biyantu
dening welasan tanaga karya. Samangke Sabar ndamel krupuk nasionalis punika
namung kaliyan semahipun. Regi krupuk abang putih mentah Rp 18.000,00 saben
kilo . Samangke panyadenipun saya winates, namung dipun sade dhateng
Imogiri iring kidul lan Kecamatan Panggang.
Awit saking punika, para perajin
ngajab pemerintah cawe-cawe milujengaken produksi krupuk mirunggan
saking Pundong punika.